Vatikan, 25 mars 2024 - Në vigjilje të Javës së Shenjtë të Pashkëve Katolike, Ministri për Evropën dhe Punët e Jashtme, Igli Hasani, nisi një vizitë zyrtare në Vatikan, ku u takua me Sekretarin e Selisë së Shenjtë për Marrëdhëniet me Shtetet dhe Organizatat Ndërkombëtare, Kryepeshkopin Paul Richard Gallagher.
Ministri Hasani theksoi se marrëdhëniet e Shqipërisë me Vatikanin shkojnë përtej marrëdhënieve institucionale, pasi ato janë shpirtërore dhe frymëzim për shqiptarët.
Dy ministrat diskutuan edhe për zhvillimet në rajon , duke u ndalur posaçërisht në nevojën e normalizimit të dialogut dhe stabilitetit, në funksion të integrimit evropian të vendeve të rajonit.
Ministri Hasani mori pjesë në konferencën "Dialogu dhe Vëllazëria Fetare për Paqe", organizuar nga Universiteti Gregorian Papal në bashkëpunim me ambasadën e RSH në Vatikan.
Ai u shpreh se në një botë të karakterizuar nga konflikte, përvoja e Shqipërisë tregon se dialogu dhe vëllazëria fetare janë elementët thelbësorë për të garantuar paqen.
“Shqipëria është një dëshmi e gjallë e fuqisë transformuese të këtyre elementeve, ofron një shembull unik në këtë kontekst. Nëpërmjet përpjekjeve të tyre të përbashkëta, shqiptarët kanë treguar se uniteti në diversitet është jo vetëm i arritshëm, por thelbësor për ndërtimin e një shoqërie më paqësore dhe harmonike”, tha ai.
Sipas kryediplomatit Hasani, Shqipëria ka luajtur gjithashtu një rol konstruktiv në kontekstin ndërkombëtar, duke promovuar dialogun ndërfetar dhe paqen në nivel rajonal dhe global.
“Angazhimi i Shqipërisë ndaj dialogut dhe vëllazërisë fetare ofron shpresë për një të ardhme paqësore, të karakterizuar nga bashkëpunimi, mirëkuptimi dhe respekti reciprok. Qasja e saj gjithëpërfshirëse dhe bashkëpunuese mund të jetë një model frymëzues për shoqëritë e tjera që përballen me sfida të ngjashme, duke theksuar potencialin transformues të respektit të ndërsjellë dhe bashkëpunimit ndërfetar në promovimin e paqes dhe stabilitetit”, nënvizoi ai.
Vizita e Ministrit për Evropën dhe Punët e Jashtme, Igli Hasani në Vatikan vjen në10-vjetorin e vizitës apostolike të Papës Françesku në Shqipëri dhe në 5-vjetorin e Dokumentit mbi Vëllazërimin Njerëzor dhe Bashkëjetesën ndërmjet njerëzve.
Lajme të tjera
-
Hasani në Kroaci, takim me kryeministrin: Mirënjohje për mbështetjen që i keni dhënë Shqipërisë në rrugëtimin drejt BE
23 Prill, 07:44 -
Qeveria miraton hapjen e tre ambasadave në Kenia, Indi dhe Indonezi! Hasani: Forcohet edhe më shumë pasaporta jonë në botë
17 Prill, 17:23 -
Hasani takon Thaçin: Shqipëria do të këmbëngulë për proces gjyqësor të hapur e transparent
17 Prill, 11:50 -
Irani sulmoi Izraelin/ Shqipëria evakuon 15 persona, tre prej tyre nga Kosova! 13 turistë u larguan mbrëmë nga Jordania
15 Prill, 11:22 -
Shqipëria dënon ashpër sulmin e Iranit ndaj Izraelit, Presidenti, Rama e ministri Hasani: Kërcënim i rëndë, rrezikon paqen në Lindjen e Mesme
14 Prill, 09:35 -
Papa Françesku kundër abortit: Është shkelje kundër dinjitetit njerëzor
8 Prill, 17:41 -
75 vjet NATO, Begaj: Pa aleancën, siguria globale e paimagjinueshme! Peleshi: Shqipëria e përkushtuar për stabilitetin në rajon
4 Prill, 09:23 -
Bruksel, Hasani: NATO të mos largojë vëmendjen nga Ballkani Perëndimor
3 Prill, 19:18 -
Hagë, ministri Hasani: Llogaridhënia për Ukrainën të shkojë paralelisht me arritjen e paqes
2 Prill, 15:40 -
Fjalimi Urbi et Orbi i Papa Françeskut: Të mos lejojmë erërat e luftës të fryjnë në Evropë e Mesdhe! Paqja s'bëhet me armë! Mesazh dhe për Ballkanin Perëndimor
31 Mars, 12:48 -
Veliaj nga QSUT uron Pashkët! Djali i vogël Kajan e përqafon
31 Mars, 12:35 -
Krishti u ngjall! Krerët e shtetit urojnë besimtarët katolikë për Pashkë
31 Mars, 10:50
